cuisinemarocaine
jeudi 27 juin 2013
كفتة حسن باشا
هادي كفتة حسن باشا طبق تركي و فكرة مزيانة hachis parmentier كنديرو بنفس الطريقة باش نوع فالتقديم و المقادير ساهلة و موجودة
و بالصحة و الراحة
بسطيلة بالدجاج مالحة
اهلا حبوباتي
اليوم غنوريكم طريقة بنتي فبسطيلة بالدجاج ملحة عطاتهالها واحد الطيابة ايوا وجات عندي بنتي وجابت معاها قوامها زعما الناس ههههههه وحضرتها وجاتها رائعة بمعنى الكلمة ندوزو للمعقول
الدجاج شرملاتو بحال الحوت يعني بنفس تشرميلة دالحوت +بصلة مشلضة +سكين جبير +الزيت +الماء
ورداتو يطيب
منين طاب زولاتو والمرقة خبعتها درت بيها الشربة
وفرتاتو
دابا ندوزو للحشوة
في مقلاة دارت بصلة حتى لجوج مكوكين +تومة +كاس زيت مخلط +2معالق زبدة يتشحرو
تم زادت 2معالق كبار ديال ماطيشة دالحك والهريسة +تحميرة +كامون +ابزار +سكين جبير +ملح +حامض مصير مقطع صغير
تم الربيع بزايد وحبة ديال كنور ديال الحوت يدوب فشويا ماء سخون وخلطات مزيان
الشعرية مصلوقة
ديك الشرمولة قسماتها على جوج نصخلطاتو مع الشعرية والنص الاخر خلطاتو مزيان مع قطع الدجاج
ومن بعد خلطاتهم بجوج مزيان
والكمالة باينة بالصور
من بعد دهناتها بخليط الزبدة والتحميرة
انا عاونتها درت الشلاضة
صينية د الحوت
- المقادير
سمك حسب الذوق و العدد لي بغيتوا حنا حيت عندنا الضياف صينية د الرجال درنا فيها 6 و د النسا 5
بصل - ماطيشا - فلفل اخضر حلو - فلفل احمر حلو مشوي
و الشرمولة باش عمرنا الحوت فيها
9 فصوص كبار دالتومة
القسبور
2 معالق صغار ت سكينجبير
3 معالق صغار د التحميرة
ملعقة صغيرة ماعامرش د القرفة
ملعقة ابزار
الملحة حسب الذوق
وساشي واحد د زعفران
وزيت الزيتون و شوية د الزيت الرومية
عمرنا الحوت بالشرمولة و فرشنا البصلة في الصينية و الماطيشا و الفلفة الخضرا و درنا الحوت و زدنا عليه الشرمولة لي بقات و ردينا فوقو البصلة و ماطيشا و الفلفلة الخضرا وحطيناه فوق العافية حتى طابت شوية ديك الشرمولة
زدنا المرقة و خلينا يطيب على خاطر خاطرو
ملي تشربات المرقة و طاب الحوت حيدناه و زدنا عليه الفلفلة حمرا و دخلناه الفران واحد ربع ساعة
و منين يسالي طيابو ناخذو كاسرونة على جنب نديرو فيها الزيت و لاسوس دماطيشا و ملعقة د السكر و القسبور حتى يطيب منين نعمروا الحوت في الطبسيل نزيدو عليه ماطيشا مل فوق
و كاتجي احسن بالكروفيت مع القسبور و الثومة و التوابل و لاسوس تومات و الفلفلة حمرا و خضرا مشوية و مقطعة مربعات صغار ملي يطيبو نزيدهم فوق الحوت كتجي روووووووووعة فالمذاق لكن حنا مادرناش الكروفيت حيت ماكانش متوفر و هاد الضياف جاو على غفلة هههههههههه
المهم ها الصور كاتحكي بالتفصيل
و سمحولي على الصور الاولى الا مواضحينش حيت صورتهم بالهاتف
ومنين يطيبو عاد نزيدو عليهم الفلفلة الحمرا المشوية
منين خرجوا من الفران
من بعد نزيدو الشرمولة
هادا ماكان غير قبلو علينا
اللهم ادمها نعمة و احفظها من الزوال
متنساوش شي دعيوة دالخير
طاجين نهاية الاسبوع
طواحن معمرين مممممممممم و اكيد بالصور
اليوم جبت لكم طبق انا بعدا كنحمااااااااق عليه وهو الطواحن معمرين
واكيد الكل كيعرف الفرائد الكثيرة الموجودة فيهم خصوصا الناس اللي عندهم فقر الدم ومزيانين بزاااااااف للمراة من بعد الولادة
انا مكنتش كنحمل الطيحان واكيد بزاف اللي مكيعجبهمش خصوصا الى كان بوحدو مشوي او مقلي ولكن ملي جربت ناكلو بهاد الطريقة وليت كنحماق عليه
واللي اكلاها عندي يطلبلي الطريقة باش كنطيبو وقلت نحطو لاخواتي حتا هما ومنبخلش عليهم بهاد الوصفة اللي صدقوني كتجي فننننننننة
المهم بلا قوة الهضور ندخلو للموضوع ياك
كناخدو الارز نسلقوه نصف سلقة (تقريبا كاس ونصف على حساب شحال من طحال غادي نعمرو انا اخديت على حسب طواحل2 ) ونصفيوه ونخويو فوقو الماء بارد باش الحبات ايكونو باينين
نقطعو الربيع والبصلة صغار والكبدة اديال الدجاج او بيبي او لكلاوي المهم اللي كان متوفرلك كلهم كيجيو فالمذاق زوينين نشحروهم فالزيت ونضيفو العطرية ملح ابزار كمون
ملي يتشحرو نديروهم فشي طبسيل اللي غادي نخلطو فيه المقادير ونزيدو عليهم الارز اللي صفيناه ثم نحكو 3 ضروس ثوم+ شحمة نقطعوها طريفات صغار ويستحسن تكون اديال الكلاوي
نخلطو العناصر كلها وبنبداو نعمرو الطواحن اديالنا غير بالشوية باش ما يطرطقوش ومن الاحسن فاش تمشيو تشريوهم على الجزار قولولو هو يفتحهملكم لانو عندو خبرة اكثر احنا نقدرو نفوتو فيهم ونثقبوهم وهكدا غادي نضيعوهم
ها هما المقادير ملي خلطناهم
وهنا فاش عمرتهم انا درت 2 غير لي ولراجلي انتوما ديرو على حسب عدد الاشخاص راه واحد كيشبع مزيان الحمد لله
ملي نعمرهم ندوز للمرحلة الاخرى اه راه بلا ما تخيطوهم الطحال كيجمع راسو بحدو
المهم كناخدو الكوكوت نديرو فيها مقدار 2 كيسان اديال الماء المهم جهد ما يتغطاو الطواحل كنزيدو على الما نصف كاس زيت+ شوية ملح وشوية ابزار وشوية هريسة و2 معالق كبار مطيشة اديال الحك
ملي يغلي المار نديرو فيه الطواحن اديالنا ونخليوهم يطيبو مدة 20 حتى ل 25 دقيقة وما نسدوش الكوكوش نخلويها محلولة
حتى تبان لنا المرقة بدات كتعقاد ونزلوها من فوق البوطة
من بعد ناخدو طبسيل اللي يدخل للفرن ونديرو فيه الطحال ونخويو فوقهم المرق اللي بقا وندخلوهم للفرن يتحمرو وملي نخرجوهم نقدموهم كل وحدة فطبق اديالها مع شوية المرق وبالصحة والراحة
ها كيكايجيو من الداخل
واكيد الكل كيعرف الفرائد الكثيرة الموجودة فيهم خصوصا الناس اللي عندهم فقر الدم ومزيانين بزاااااااف للمراة من بعد الولادة
انا مكنتش كنحمل الطيحان واكيد بزاف اللي مكيعجبهمش خصوصا الى كان بوحدو مشوي او مقلي ولكن ملي جربت ناكلو بهاد الطريقة وليت كنحماق عليه
واللي اكلاها عندي يطلبلي الطريقة باش كنطيبو وقلت نحطو لاخواتي حتا هما ومنبخلش عليهم بهاد الوصفة اللي صدقوني كتجي فننننننننة
المهم بلا قوة الهضور ندخلو للموضوع ياك
كناخدو الارز نسلقوه نصف سلقة (تقريبا كاس ونصف على حساب شحال من طحال غادي نعمرو انا اخديت على حسب طواحل2 ) ونصفيوه ونخويو فوقو الماء بارد باش الحبات ايكونو باينين
نقطعو الربيع والبصلة صغار والكبدة اديال الدجاج او بيبي او لكلاوي المهم اللي كان متوفرلك كلهم كيجيو فالمذاق زوينين نشحروهم فالزيت ونضيفو العطرية ملح ابزار كمون
ملي يتشحرو نديروهم فشي طبسيل اللي غادي نخلطو فيه المقادير ونزيدو عليهم الارز اللي صفيناه ثم نحكو 3 ضروس ثوم+ شحمة نقطعوها طريفات صغار ويستحسن تكون اديال الكلاوي
نخلطو العناصر كلها وبنبداو نعمرو الطواحن اديالنا غير بالشوية باش ما يطرطقوش ومن الاحسن فاش تمشيو تشريوهم على الجزار قولولو هو يفتحهملكم لانو عندو خبرة اكثر احنا نقدرو نفوتو فيهم ونثقبوهم وهكدا غادي نضيعوهم
ها هما المقادير ملي خلطناهم
وهنا فاش عمرتهم انا درت 2 غير لي ولراجلي انتوما ديرو على حسب عدد الاشخاص راه واحد كيشبع مزيان الحمد لله
ملي نعمرهم ندوز للمرحلة الاخرى اه راه بلا ما تخيطوهم الطحال كيجمع راسو بحدو
المهم كناخدو الكوكوت نديرو فيها مقدار 2 كيسان اديال الماء المهم جهد ما يتغطاو الطواحل كنزيدو على الما نصف كاس زيت+ شوية ملح وشوية ابزار وشوية هريسة و2 معالق كبار مطيشة اديال الحك
ملي يغلي المار نديرو فيه الطواحن اديالنا ونخليوهم يطيبو مدة 20 حتى ل 25 دقيقة وما نسدوش الكوكوش نخلويها محلولة
حتى تبان لنا المرقة بدات كتعقاد ونزلوها من فوق البوطة
من بعد ناخدو طبسيل اللي يدخل للفرن ونديرو فيه الطحال ونخويو فوقهم المرق اللي بقا وندخلوهم للفرن يتحمرو وملي نخرجوهم نقدموهم كل وحدة فطبق اديالها مع شوية المرق وبالصحة والراحة
ها كيكايجيو من الداخل
Inscription à :
Articles (Atom)